Þorsteinn Svörfuður í bikarúrslit

Dagsetning birtingar: 30.7.2014 09:37:13

Að kvöldi 24. júlí fór Kjarnafæðisbikarkeppnin fram í Boganum. Níu lið tóku þátt og urðu úrslit sem hér segir:

Leikur um sæti í 8-liða úrslitum

KS-Móði 1-1 (4-3 e. vítakeppni)

8-liða úrslit

Mjöður-Vesalingarnir 0-1

Fc. Mývetningur-Neptúnus 1-0

Fc. Úlfarnir 010-Umf. Þorsteinn Svörfuður 1-1 (1-3 e. vítakeppni)

Æskan-KS 2-1

4-liða úrslit

Vesalingarnir-Umf. Þorsteinn Svörfuður 0-0 (1-2 e. vítakeppni)

Fc. Mývetningur-Æskan 2-1

Úrslit

Fc. Mývetningur-Umf. Þorsteinn Svörfuður 6-0

Á kdn.is segir:

Leikið var um Kjarnafæðisbikarinn í kvöld. Til úrslita léku lið U.M.F. Þorsteins Svörfuðar gegn Fc. Mývetningi. Framan af var um hörkuleik að ræða, Mývetningur komst í 1-0 en þegar þeir skoruðu sitt annað mark þá gáfust leikmenn Þorsteins Svörfuðar upp og þegar leiktíminn var allur höfðu Mývetningar bætt við nokkrum mörkum en leikurinn endaði 6-0.

__

Liðsmenn Umf. Þ.Sv. sýndu mikla baráttu og flotta frammistöðu í bikarkeppninni og komust nokkuð óvænt í úrslit, svona í ljósi þess að liðið hefur ekki unnið leik í deildinni í sumar. Þegar leið á úrslitaleikinn sást að bensínið var búið á tanknum og því fór sem fór, en Mývetningur hefur unnið alla leiki sína í sumar og því var ljóst að við ramman reip væri að draga. Þrátt fyrir allt, flottur árangur og skemmtilegt kvöld.

Þorsteinn Svörfuður á eftir að spila þrjá leiki í utandeildinni í sumar, 14. ágúst, 21. ágúst og 28. ágúst.

Nánari umfjöllun um gang mála í utandeildinni má sjá á vef deildarinnar, kdn.is