Vel heppnað knattspyrnumót UMSE á Hrafnagili

Dagsetning birtingar: 16.10.2016 23:54:59

Umf. Þorsteinn Svörfuður tók þátt í hraðmóti UMSE í knattspyrnu sem haldið var á Hrafnagili.

Lið frá Umf. Þorsteini Svörfuði tók þátt í keppni í 5. flokki og tefldi auk þess fram sameiginlegu liði með Ungmennafélaginu Smára í 3. flokki. Skemmst er frá því að segja að liðin unnu sína flokka. Allir þátttakendur á mótinu fengu þátttökuverðlaun.

Keppnin gekk vel fyrir sig og fóru allir keppendur sælir heim eftir góðan dag.

Meðfylgjandi er liðsmynd af 5. flokki.